Wrocław-IKER IZAGUIRRE

Kaixo Guztiori, Iker Izaguirre naiz Informatika arlokoa. Orain arte bizitakoa azalduko dizuet, badakit dagoeneko 25 egun igaro direla baina benetan esaten dut, lehenago ez dudala tartetxo bat izan zuei idazteko.

Dena otsailak 28ko gauean hasi zen, DBHko lagunekin afari bat egin, eta bi ordu bakarrik lo egin ostean, gogotsu esnatu nintzen esperientzia berri hau hasteko.

Hegazkina hartzen nuen lehen aldia zen, niretzako Loiuko aireportua handia eta dena zen … gero konturatu nintzen jostailuzkoa dela Europan aurkitzen direnekin alderatuz. Kontrol guztiak igaro genituen (eskuko ordenagailua neraman motxila aterarazi zidaten) eta hegazkinean sartu ginen. Aireratzeko momentua asko gustatu zitzaidan, abiadura eta lurra uzteko sentsazioak.  Eskala motxa izan zen. Wrocław-eko aireportuan bibotedun taxilari bat genuen esperoan ingeles eskasa zekiana bere hitzetan: “Super Driver” bat zen.

Lehen egunean pinguino bat lurrean bezain trakets ibili ginen, galduak noraezean. AVIVAkoek (enpresa bitartekaria)   aste guztiaren plangintza egin ziguten, poloniera zein ingelesezko klaseak, ibilaldiak ere: Hiria ezagutzeko tour bat eta guduak isladatzen diren 360 graduko horma irudi bat ikusi genuen.

Aste horrek asko lagundu digu beste Erasmus ikaskideekin harremanak lotzeko.

Esan beharrik ez dago pisu-kideekin primeran eramaten naizela batez ere etxeko beste mutil bakarrarekin, laguntza handia izan da nire laneko lehen astean ez baita gauza erraza izan.

Bigarren astean lehen egunean enpresa ezagutzera joan ginen, espero bezala ordenagailu gutxi ikusten ziren, managerrak astebeteko oporraldia eman zigun hiriaz gozatzeko.

Eta horrelaxe egin genuen.

Gainera tartean Andrearen urtebetetzea izan zen

Gainera dagoeneko mugitzen hasi gara, KRAKOW  ederra eta istorioz betea dago.

Hirugarren astean, lehen egunean telefono mugikorrak ea ondo zebiltzan frogatzen igaro genuen, enpresa buruak guretzako plan batzuk zituela (gezurra) esan zigun. Bigarren egunean mobil berriak konpontzen, hirugarrenean, zaharrak desmuntatzen eta muntatzen inolako xederik gabe, hor jada abian jarri ginen eta enpresa bitartekariarekin eta zubiriko jendearekin kontaktuan jarri ginen, eta pentsatu bezala asteko hurrengo egunetan gauza berberak egin genituen (testeatu, eta muntatu).

Zubirikoek arraroa badirudi ere inportantzia kendu zioten gure egoerari, eskerrak, AVIVA koek “razon de fuerza mayor “ egotziz enpresa aldatzeko lanak egiten hasi ziren.

Laugarren aste honetan kopeta zimurtuz joaten ginen lanera, inolako gogorik gabe, eta asteartean izugarrizko albiste ona jaso genuen, enpresaz aldatuko zaituztegu esan zigun Anniak. Borja pisu-kidea dagoeneko kodea sortzen hasi da enpresa berrian, eta nik gaur libre nuenez zoo-a bisitatzeko aprobetxatu dut, izugarri gustatu zait ondo antolatua dago.

Nik bihar asten dut lan berria ea zorte hobea dudan.

Amaitzeko ZORIONAK AMA!