ROVANIEMI: TERVETULOA! ONGI ETORRI!!

Badira 3 aste Laponiako hiriburura etorri ginela Lorena eta biok. Hiri txikitxoa bada ere, milaka turista jasotzen ditu urtero. Aurora Borealak, Santa Clausen herrixka, Huskyen tourrak eta Artikum museoa dira hain arrakastatsu egiten duten baliabide turistikoetako batzuk. Sarrera honetan baliabide horiei buruz hitz egingo dizuet laburki :)

SANTA CLAUSEN HERRIXKA

Hirigunetik 8 autobusa hartuta, 30 min inguru behar dira Santa Claus Village delakora iristeko (return ticket 7.20€). Bertan, benetako Santa Claus besarkatzeko aukera duzu (dohainik!!!). Argazkia nahi izanez gero, gutxienez 20€ ordaindu behar dira pertsonako. Bestalde, jatetxeak, tabernak, dendak, huskyen baserria eta elur-oreinen etxolak daude. Huskyak bisitatzea, adibidez, 5€ balio du eta luzera ezberdineko ibilbideak egin daitezke gainera (5 km, 62€).

TOUR TURISTIKOAK

Oso ohikoa da abenturazko tourrak egitea Laponian: huskyen eta elur-oreinen paseoak, laku edo ibai izoztuetan arrantzatzea, izotzezko hotel edota gazteluak bisitatzea, Sampoo Icebreaker txalupan ibiltzea… Enpresa ugari daude horrelako ibilbideak antolatzen dituztenak (Safartica, Lapland Safaris, Lapland Welcome...). Guk, huskyez gain, Rovaniemiko izotzezko hotela bisitatzeko aukera izan gendun eta, bertan, ice bar delakoan, izotzezko edalontzi batean txupito bat hartu nun (hori bai, 10€-ren truk). 

Cloudberry txupitoa

Ilunabarra hoteletik

ARKTIKUM MUSEOA

Museorik garrantzitsuena da, Finlandia eta Laponiako historiaz zertxobait ikasteko leku aproposa. 8€-ren trukean (ikasle txartelarekin, bestela 12€) areto guztiak bisitatu daitezke. Gainera, “planetario” txikitxo bat du eta Aurora Borealak ikusi daitezke bertan. Klima-aldaketaren ondorio lazgarriak islatzen dituzten argazkiak ere badaude beste areto batean, jendea arazo horrekiko sentikor bihurtzea dutenak helburu. Souvenir dendaz gain, jatetxe bat dago buffet menuarekin (12€/pax).

GASTRONOMIA

Europako gainontzeko gastronomien eragina atzeman daiteke hemengo plateretan. Tipikoenak (iparraldean) elur-oreinen haragia, izokina eta basa-fruituak dira. Gosari fuerteak egiten dira orokorrean: zerealak, jogurtak, ogia, entsaladak, porridge, “kahvi”, pastelak… Kahvi edo kafea kakotx artean jartzen det, ez baitu zerikusirik han hartzen dugunarekin. Hemen, kafe “on” bat hartzeko 4€ ordaindu behar dira. Bestalde, bazkari eta afarietan ohikoa da entsalada eta zopa hartzea lehenengo, eta gero plater fuertea postrearen aurretik.

Otorduen orduak ere ezberdinak dira Finlandian. Eguzki orduak aprobetxatzeko, goizean goiz esnatzen dira (05:00k aldera) gosaltzeko eta 11:00etarako mahaian esertzen dira berriz bazkaltzeko. Arratsaldeko 17:00etarako afaldu dute jadanik normalean. Gu hasieran hori egiten saiatu ginan, baino iparraldean beste erritmo bat daramate/gu (zorionez). 

7€-ko pizza "txikiak" jaten (saiatzen)

Aste Santua ospatzen

OUNUSVAARA WINTER TRAIL

Hiking zaleentzako ibilbide politta. 6 km.-ko ibilbide zirkularra hirigunean hasten da eta Ounusvaara menditxoan barrena jarraitzen du. 10 metroko begiratoki bat eta babesleku bat topa daitezke gailurrera bidean.

Rovaniemi

Lorena maldan gora

ANGRY BIRDS-EN PARKEA

2009an sortutako jolas honek jatorri finlandiarra du. Oso ezaguna egin zen gurean 2012. urtean. Rovaniemin haur nahiz helduentzako parkea dago eta doako sarrera du. Futbol zelaia, tirolina, txirristak… daude. Eta hemen bideo bat bertan izan ginanekua :D

Laxterarte!

T