Glasgow!!!

Larunbata aprobetxatuz Glasgow hirira joan ginen, ona hemen informazio pixkat hiriari buruz.

Glasgow (Eskoziako gaeleraz: Glaschu, eskozieraz: Glesca) Eskoziako hiririk jendetsuena da, herrialdeko hiriburua Edinburgh den arren. Halaber, Erresuma Batuko hiri jendetsuenetan hirugarren da (Londresen eta Birminghamen atzetik), 600.000 inguru biztanle baititu hiriak berak, eta 1.750.000 biztanle inguru baititu Glasgow Handia metropoli eremuak.

Industria Iraultzarekin, hiria eta inguruko eskualdea munduko ingeniaritza gune nagusien artean sartu zen, batik bat itsasontzien eraikuntzan. Hori dela-eta, historiako tarte luzean Britainiar Inperioko hiri garrantzitsuenetan bigarren izan zen.

Eskoziako erdialdean eta barnealdean kokatuta dago, Clyde ibaiak zeharkatzen duelarik eta Lomond aintzira hiritik hurbil dagoelarik.

Argazki hau LightHouse-etik aterata dago, museo bat den dorre bat da. Bertan arkitektura eta etxeko altzariak eta arropak zeuden ikusgai. Azken solairua lehiatila handi batzuk ditu non Glasgow hiria ikusi daiteke.

Hau Glasgoweko katedrala da. San Mungo da Glasgowko patroia eta haren omenez altxatu zuten katedrala XII mendean. 1581ean Jakue I.ak inguruko lurrak eman zizkion Glasgow hiriari eliza mantendu ahal izateko eta 1583an udalak horretarako konpromisoa berretsi zuen. 1690etik aurrera ez da apezpikurik bizi izan bertan eta ondorioz ezin da katedrala kontsideratu baina horrela ezagutzen da oraindik.

1451ean sortu zen Glasgowko Unibertsitateak katedral barneko gelatan ematen ziren klaseetan dauka jatorria. 

Wellingtonen irudi honetan trafikoko kono bat dago jarrita beti, Royal Exchange plazan dago. 

Asko disfrutatu genuen! Gomendagarria oso!!