Praga. Azken egunak

Bada, azken egunak ditugu hauek eta hala izanik, enpresan egun batzuk eskatu eta 

herrialdea ezagutzera joan gara, lagun baten bisita baliatuta. Honela, Txekiar Errepublikako

hainbat txoko ezagutzeko aukera izan dugu, hala nola, Krkonošský národní park eta 

Prachovské skály.

Lehenean, Snezka mendia igotzeko aukera izan genuen, Poloniarekin muga egiten 

duena eta 1600 metro ingururekin herrialdeko sabaia dena.

Egia esan, azken hiru hilabeteak Pragan igaro ostean, atsegin handiz egin dugu txango 

hau. Hiriaren handitasun eta aglomeraziotik ihes egin eta lasaitasuna topatzea oso 

positiboa izan da. Gainera, Txekiar Errepublikako iparraldea zinez polita da eta aukera 

izanda, merezi du egun batzuk hartu eta bertara joatea; lagunartean bada gainera, 

zeresanik ez.

Bestalde, aurrekoan, mendi lasterketa batean parte hartzeko aukera izan nuen. Pragan 

bertan izanagatik, aldapak egon bazeuden, eta oso gogorra izan ez bazen ere, ibilbidea 

nahiko polita zen.

Larunbatean itzuliko gara Euskal Herrira. Esperientzia oso aberasgarria izan da eta faltan
botako dugu herrialde hau. Besterik gabe, ea larunbatean eguraldia lagun dugun eta 
hegaldian zehar Alpeak ikusteko aukera dugun.

Jon